Na Severn Mbullu, (LLH) Kishapu
Mkuu wa Wilaya ya Kishapu Mhe, Joseph Modest Mkude Amepiga Marufuku kwa watu wanaopiga lamri Chonganishi wanaojiita Lambalamba kuendelea na Shughuli zao wilayani Humo.
Dc Mkude ameyasema hayo leo June 27,2022 katika Mkutano Maalumu wa Baraza la Madiwani uliofanyika katika Ukumbi wa Mikutano wa Halmashauri ya WIlaya ya Kishapu.
Amewataka Viongozi wote wa Ngazi mbalimbali Kushirikiana na kuhakikisha wanakomesha swala la Lambalamba ambalo linaleta uvunjifu wa Amani katika Wilaya hiyo.
"Watu hao hawakubaliki na mtu yoyote na hawajapata kibali cha mtu yoyote yule toka mahali popote. Kama kuna mtu anauhakika wana vibali amlete ofisi ya Mkuu wa wilaya mara moja ili aweze kuruhusiwa kuendelea na shughuli hiyo anayotaka kuifanya. Kwa wito huu ndugu viongozi wote katika ngazi mbalimbali ninaomba ushirikiano mkubwa ili tuwabaini watu hao na kutowakaribisha kufanya shughuli zao hizo potofu" amesema Dc Mkude
"Natoa wito kwa Uongozi wa Kata, Vijiji na Vitongoji hakikisheni mnatoa taarifa haraka juu ya uwepo wa watu hao ili hatua za Kisheria zichukuliwe" Alisema Mhe, Mkude
